Liandova Te Unau Season 2

Liandova chu mi buh vengin a inhlawh a, a buh vên pah chuan a saihlum ah chuan buh chu a hrual hnan zel a, tamtak alo nei ta a. Lo vah a lo hun al, kawtchhuah sirah chuan Liandova chuan pipu a suih ta a. Mi feh kal te an chawl a, pipuah chuan an uai thin a. Chutia an uai hlan chuan Liandova chuan an hreipui leh chemte chu a lo hmang a, chumi bul vel chu lovah a vat ve thin a. Ni khat chu an thlawhlaia an awm lai chuan choak hian rul a rawn pu a, an lo au vak vak a, choak chuan a thlauh ta a. An va char a, Khuavang-rul a lo ni a, hnahthialin an fun a, thlam liangah chuan an zep ta a. Chuta chin cu Khuavang pitar tê hian an awm loh hlan chuan buh chang rum leh sa hi Liandova te uanu tan a lo chhumsak diam thin a. Anni uanu chuan a ngaihna reng reng an hre lo va. Nakinah chuan an chang a, an enthla ta a. Pitar tê chu an man ta a. A tih nachhan an han zawh chuan, hman nia an rul chhanchhuah kha a fa a lo ni a a lawm em vangin an tan thil tha alo ti ve duh chu alo ni a.